香港文匯報訊（記者 植毅儀）唱片市道近年吸納咗一批愛聽發燒碟的樂迷，唔少歌手都轉戰推出發燒碟，入行10年，近年轉戰做發燒碟歌手的曹敏寶（Abo），近日忙於宣傳自己第二張發燒碟《IF LOVE》。曹敏寶說：「去年推出首張發燒碟時，因為同監製意見不合，搞到隻碟差點就胎死腹中。我同監製本身係好熟朋友，就係因為咁我先直言講自己意見，後來大家都明白係為件事好，就冇事。」今次參與隻碟大部分製作，希望短期內開到迷你音樂會同樂迷分享感受。
談到最近不少歌手到內地參加歌唱節目，曹敏寶說：「我細個參加過好多歌唱比賽，要天時地利人和，我好幸運遇到自己的伯樂！其實我當時已經轉行做化妝師，係佢叫番我出來，問我發燒碟有沒有興趣，好多謝他！」曹敏寶早前參加《好聲音》香港海選，獲得家人的全力支持，也希望能夠藉此機會在歌唱方面闖出名堂。Abo又表示再次以Hi-Fi歌手身份出道，獲姐姐曹敏莉鼓勵，而父母亦以她為傲：「Hi-Fi歌手要求唱歌行先，屋企人好開心唔係因為名利，而係覺得我終於有一份認同，亦都覺得我唔一定要畀到成績屋企睇，最緊要開心。」